拜仁鍊车等睇入球骚
今晚另一场16强次回合，首回合领先3球嘅拜仁慕尼黑主场再斗车路士。「车仔」为博翻身背城借一；拜仁复赛后11战全胜，两军可望合演入球骚，捧中位数3.5球大。
拜仁复赛后联赛连盃赛11战全胜，弗到爆厂，先后捧走德甲及德盃冠军，赢埋欧联就可成为3冠王，决心十足。王牌罗拔利云度夫斯基脚风劲顺，以34个联赛入球、个人第5次成为德甲神射手，而且佢喺今季欧联已入11球，大有机会染指神射手，有佢喺前线挂帅唔愁冇波入。
车路士作客开放
林柏特首季执教「车仔」即保住下届欧联入场券，成绩有所交代，首回合落后3球已经冇嘢可以再输，随时豁出去放手一搏，佢哋近4场联赛作客，有3次总入球达4球或以上，有前冇后踢法充满娱乐性，今晚睇入球骚之馀，捧3.5球大盘属正路之选。
