特雷格霍夫前锋希哥达
今晚《东网》免费直播德乙前列大战，第5嘅格雷特霍夫主场火併「3哥」汉堡。两队同样力争升班，不过汉堡主强客弱，客场胜率偏低，要让波只因名气较大，转捧格雷特霍夫让球主胜。
今季获前慕逊加柏教头赫基掌舵嘅汉堡，重返德甲决心唔使怀疑，佢哋12场主场联赛取得9胜1和2负，喺德乙仅次于史特加，可惜作客惨不忍睹，13仗作客联赛赢得3场，单计近11场作客联赛更只得1胜7和3负，胜率唔够1成。不过汉堡喺德乙始终係名牌，无论主客都经常要让波，13仗作客「让球主客和」全部让波情况下，赢盘仅得3仗，今场又要让波不宜沾手。
格雷特霍夫伤疲尽起
格雷特霍夫停摆前10场联赛只输3仗，包括主场赢过次席史特加，唔讲得笑，而且疫情令佢哋多位伤兵可专心休养，大部分都好番晒。格军依家落后汉堡8分，只要今仗赢波就可拉近距离，梗係加多几钱肉紧，主场有得受让，让球主胜趁早买。
