尼格度倒戈皇马献细
双雄分途出击
皇家马德里周日凌晨西甲主场出击，迎战同市球队卡迪斯，一支係上季冠军、一支係新升班球队，牌面上无疑係强弱悬殊，不过卡迪斯头5轮赛事有2胜1和2负成绩，而且2场胜仗都係作客，当中35岁老将尼格度更加係核心人物，今场倒戈皇马将成焦点人物。皇马跨季近5次联赛主场有4次开2球或以下，推介中位数2.5球嘅入球细。
前西班牙国脚尼格度喺西甲入波超过100球，并且曾2度加盟皇家马德里，但最讽刺嘅係，佢从来未为皇马上阵。2005年第1次加盟皇马只係踢B队，2年之后就被卖去艾美利亚；2009年皇马启动回购条款将尼格度买番嚟，但只係经历季前热身赛后，同一个夏天就将佢卖畀西维尔，嗰度亦係尼格度真正上位嘅地方。
已经35岁嘅尼格度踢过曼城、华伦西亚、米杜士堡等球队，近年远赴阿联酋踢艾拿沙掘金，估唔到今季竟然有机会回流西甲，除咗上轮坐波监之外，尼格度喺头4轮联赛都有上阵兼拎到1个入球，今场复出倒戈皇马前，佢接受西甲官方电视访问声言：「虽然我年纪好大，但仍然想喺西甲踢出最佳状态，我会以球队为先，利用自己经验帮助队友，今季目标係留喺甲组，我哋会战斗到底。」
由上季西甲停摆至今，皇马主场巴拿贝球场停用，搬到B队主场迪史提芬奴球场比赛，每场都係赢波为本，不求悦目，皇马上季尾能够后上重夺西甲冠军，可见其战术成功。今季皇马继续使用B队主场作战，首次主场赛事就以1比0小胜华拉度列，今场对卡迪斯预计都係小胜格，捧2.5球细盘。
巴塞有料到半场爆基
同晚西甲仲有基达菲主场迎战巴塞隆拿。基达菲季初战绩不俗，开季3战录得2胜1和，不过临近国际赛档期一仗，却以0比3大败于皇家苏斯达脚下，打击信心。巴塞实力高一班，联赛近9次交手8胜1和，当中7次半场领先，今仗赢面甚高，博好分可拣半场客胜。
